Prosjektet «Levekår blant skeive» har nettopp starta. Forskarane skal prøve å finne ut om situasjonen har blitt betre eller verre sidan 2013 og 2020, når dei førre undersøkingane blei gjort. 

Men kva er det viktig å finne ut av for å teikne eit best mogleg bilde av levekåra til skeive no? Eggebø ønskte innspel frå alle som er interessert i feltet og ho inviterte derfor til innspelsmøte på Teams. 

Responsen var god, om lag 20 personar møtte opp. 

– Eg vil rette ein stor takk til alle som kom og gav verdifulle innspel, seier Eggebø.

– Vi i forskingsgruppa er veldig takknemleg for at de spanderte tid på å hjelpe oss.

For forskarane fekk mange innspel og skal no i gang med ein gjennomgang av dei.  

– Noko av det som kom fram er at folk er mindre og mindre villig til å svare på spørjeundersøkingar. Derfor er det viktig at den nye undersøkinga ikkje blir like lang som i 2020, seier Eggebø.  

Andre innspel understreka viktigheita av å spørje om folk opplever at utviklinga går i positiv eller negativ retning, og om den offentleg tilspissa debatten og globale situasjonen påverkar levekåra negativt.  

– Samtidig er det viktig at den nye undersøkinga òg undersøker positive sider ved levekår blant skeive, seier Eggebø.